Quba rayon MKS-nin Mərkəzi kitabxanasının Oxuculara xidmət şöbəsinin təşkilatçılığı ilə Uşaq musiqi məktəbində səyyar kitabxana xidməti təşkil olunub. “Dünyanı dolaşan mədəniyyətimiz”, “Musiqi ruhun qidasıdır” və s. başlıqlı sərgilər oxucular tərəfindən maraqla qarşılanıb.
Xidmət çərçivəsində həmçinin oxuculara Azərbaycanın görkəmli bəstəkarları Üzeyir Hacıbəyli, Qara Qarayev, Fikrət Əmirov və Tofiq Bakıxanovun həyat və yaradıcılığı haqqında geniş məlumat verilib.