Azərbaycan Dövlət Gənc Tamaşaçılar Teatrı Albaniyanın Korça şəhərində mayın 16-dan 21-dək keçiriləcək 5-ci “ALBAMONO-2010” Beynəlxalq monotamaşalar festivalına dəvət alıb. Ölkəmiz beynəlxalq festivalda Xalq artisti Cənnət Səlimovanın quruluş verdiyi N.V.Qoqolun “Dəlinin qeydləri” tamaşası ilə təmsil olunacaq. Tamaşada Əməkdar artist Şövqü Hüseynov iştirak edəcək. Tamaşanın rəssamı Lətifə Quluzadədir. Xatırladaq ki, Ş.Hüseynovun iştirakı ilə “Dəlinin qeydləri” mono tamaşası dəfələrlə beynəlxalq festivallarda iştirak edib.