Dövlət Gənc Tamaşaçılar Teatrının kollektivi 82-ci mövsümün son günlərində dahi Şekspirin məşhur “Romeo və Cülyetta” əsərinin ilkin məşqlərinə başlayıb. Teatrın böyük aktyor heyətinin rol aldığı tamaşada Dövlət Mədəniyyət və İncəsənət Universitetinin tələbələri də çıxış edəcəklər.
   Kollektiv sentyabrın 15-də özünün 83-cü mövsümünə başlayacaq. “Romeo və Cülyetta” tamaşasının premyerası isə noyabrın sonlarında nəzərdə tutulub. Tamaşanın quruluşçu rejissoru Xalq artisti Cənnət Səlimovadır. Yeni səhnə əsərinin bədii tərtibatı və xoreoqrafiya işləri Rusiyanın tanınmış sənətçilərinə həvalə olunub.