Bakı Bələdiyyə Teatrı oktyabrın 11-də Aktyorlar evində nümayiş etdirdiyi “Qaravəlli” tamaşası ilə 18-ci teatr mövsümünü açıb. Xalq yazıçısı Anarın eyniadlı əsəri əsasında hazırlanmış tamaşanın premyerasından öncə çıxış edən teatrın bədii rəhbəri və direktoru, Xalq artisti Amaliya Pənahova bildirib ki, əsər insanları bir-birinə diqqət və sevgi ilə yanaşmağa, onları mərhəmətli olmağa səsləyir. Tamaşanın quruluşçu rejissoru Rövşən Almuradlıdır. Tamaşada əsas rolları Xalq artisti Vaqif Əliyev, əməkdar artistlər Əfqan Sultanov, Səmayə Sadıqova, Tofiq Bayramov, aktyorlar Ramin Şıxəliyev, Zaur Həmidov, Zülfiyyə Qurbanova və başqaları ifa ediblər.