Naxçıvan Uşaq Teatrı yeni tamaşa səhnələşdirir. Teatrın direktoru, Əməkdar artist Elmira Kərimovanın verdiyi məlumata görə, mədəniyyət müəssisəsi İlqar Səmədovun “İki qardaş” tamaşasının məşqlərinə başlayıb. Quruluşçu rejissoru Naxçıvan Muxtar Respublikasının Əməkdar artisti Vüsal Rzayev, rəssamı Naxçıvan MR-in Əməkdar rəssamı Səyyad Bayramov olan tamaşada əksər rolları məktəblilər ifa edir. Tərbiyəvi mövzuda yazılan əsərin səhnələşdirilməsi dekabrın ortalarında yekunlaşacaq.