Noyabrın 7-dən 12-dək Bakıda Mədəniyyət və Turizm Nazirliyi, Milli Elmlər Akademiyası və Teatr Xadimləri İttifaqının təşkilatçılığı ilə müasir dövrün teatr problemlərinə həsr olunmuş beynəlxalq elmi-praktik konfrans keçiriləcək. 
      
   Beynəlxalq forum prezident İlham Əliyevin 18 may 2009-cu il tarixli sərəncamı ilə təsdiq edilmiş “Azərbaycan teatrı 2009-2019-cu illərdə” Dövlət Proqramına əsasən keçirilir. Proqramda Mədəniyyət və Turizm Nazirliyinə, Milli Elmlər Akademiyasına və Teatr Xadimləri İttifaqına müasir dövrün teatr problemlərinə həsr olunmuş beynəlxalq konfransın keçirilməsi həvalə olunub.
   Konfransda Avropa, Asiya və Amerika qitələrinin tanınmış teatr mütəxəssislərinin, rejissor və dramaturqlarının, kulturoloqlarının iştirakı nəzərdə tutulub. Ölkəmizdə ilk dəfə keçiriləcək beynəlxalq konfransın dəvətliləri sırasında ABŞ, Kanada, Türkiyə, İngiltərə, Fransa, Almaniya, Gürcüstan, Rusiya, Belorus, Estoniya, Özbəkistan, Tacikistan, Qazaxıstan, Qırğızıstan, Ukrayna, Moldova, Avstriya, Yunanıstan, Koreya, Tunis, Oman, Çernoqoriya, Çin, Səudiyyə Ərəbistanı, İran, Sinqapur, Küveyt kimi ölkələrdən tanınmış teatr simaları var.
   Konfrans çərçivəsində Kanadanın teatr tənqidçisi Mişel Vais, ABŞ-dan teatr rəssamı İosif Yusupov, teatr tənqidçisi Piter Qoldfarb, teatr geyimi üzrə mütəxəssis İrina Krujilina, plastika üzrə mütəxəssis Roberto Varea, dramaturgiya və vokal ifaçılığı üzrə Rut Maqraffın məruzələri dinləniləcək. Elmi-praktik konfrans çərçivəsində tanınmış teatr xadimlərinin ustad dərslərinin və treninqlərin keçirilməsi planlaşdırılır.
   Qeyd edək ki, “Azərbaycan teatrı 2009-2019-cu illərdə” Dövlət Proqramına əsasən, bu cür beynəlxalq elmi-praktik konfransların iki ildən bir keçirilməsi nəzərdə tutulur.
   
   Bakı Beynəlxalq Teatr Konfransının proqramı
   (7-12 noyabr 2010-cu il)
   
   7 noyabr, bazar
   Konfrans iştirakçılarının gəlişi, qarşılanma.
   14:00 Gəzinti, şəhərlə tanışlıq.
   Tamaşalar:
   19:00 M.Zadornov «Ər almaq istəyirəm»
    Dövlət Rus Dram Teatrı
   
   19:00 U.Şekspir «Otello»
   Azərbaycan Dövlət Gənc Tamaşaçılar Teatrı
   
   19:00 N.Qəribova «Adsız»
    Dövlət Pantomima Teatrı   

   8 noyabr, bazar ertəsi
   Seminarlar
   10:00-11:45 Teatr tənqidi: Mişel Vais (Kanada)
   Akademik Milli Dram Teatrı (Kiçik səhnə)
   
   10:00-12:00 Teatr rəssamlığı: İosif Yusupov (ABŞ)
   Akademik Milli Dram Teatrı (Bədii şura
   otağı)
   
   12:00-14:00 Teatr tənqidi Piter Qoldfarb (ABŞ)
   Akademik Milli Dram Teatrı (Kiçik səhnə)
   
   12:00-14:00 Teatr geyimi: İrina Krujilina (ABŞ)
   Akademik Milli Dram Teatrı (Bədii şura
   otağı)
   
   19:00 Ü.Hacıbəyli «Leyli və Məcnun»
    Dövlət Opera və Balet Teatrı
   
   9 noyabr, çərşənbə axşamı
   10:00 Fəxri xiyabanda ulu öndərin qəbirüstü abidəsinin,
    Şəhidlər xiyabanının ziyarəti
   
   12:00 Konfransın rəsmi açılışı
    Akademik Milli Dram Teatrı
   
   14:00 Plenar iclas: Böyük zal
   15:30 Kofe-breyk
   16:00-17.30 Plenar iclasın davamı
   10 noyabr, çərşənbə
   10:00 Akademik Milli Dram Teatrı.
    Konfransın davamı
   11:30 Kofe-breyk
   12:00 Konfransın davamı
   14:30 Ümumi plenar iclas
   16:00 Kofe-breyk
   16:30-17:30 Yekun iclas. Teatr layihələrinin veb-portalının təqdimatı.
    Konfransın rəsmi bağlanışı
   
   11 noyabr, cümə axşamı
   Seminarlar
   10:00-12:00 Dramaturgiya Rut Maqraff (ABŞ)
   Akademik Milli Dram Teatrı( Bədii şura otağı)
   
   12:00-14:00 Plastika: Roberto Varea (ABŞ)
    Gənc Tamaşaçılar Teatrı
   
   19:00 Z.Zeynalov «Maska»
    Dövlət Pantomima Teatrı
   
   12 noyabr, cümə
   10:00-12:00 Teatr alternativləri: Hip-Hop teatrı
   Daniel Banks (ABŞ)
    Aktyor Evi
   
   12:00-14:00 Vokal ifaçılığı: Rut Maqraff (ABŞ)
    Beynəlxalq Muğam Mərkəzi