Dekabrın 4-də Rəşid Behbudov adına Azərbaycan Dövlət Mahnı Teatrında milli aşıq məktəbinin görkəmli nümayəndəsi Molla Cümənin 160 illik yubileyinə həsr olunan tədbir keçiriləcək.
Mədəniyyət və Turizm Nazirliyinin təşkilatçılığı ilə reallaşacaq tədbirdə sənətkarın XX əsr aşıq poeziyasındakı xidmətlərindən, həyat və yaradıcılığından söz açılacaq.
“İsmi Pünhan” təxəllüslü sənətkar hər şeydən əvvəl məhəbbət aşığıdır. O, özünü ən məşhur, cəfakeş, əzabkeş aşiqlərin cərgəsində görür və Qeys, Fərhad, Yusif, Tahir, Kərəm, Qərib, Vərqa, Qənbər, Şeyx Sənan kimi aşiqlərlə müqayisə edirdi.