Prezident İlham Əliyev dekabrın 22-də Firidun bəy Köçərli adına Respublika Uşaq Kitabxanasının 50 illik yubileyi münasibətilə kitabxananın əməkdaşlarının təltif olunması haqqında sərəncamlar imzalayıb.
Sərəncamlara əsasən, Azərbaycanda kitabxana işinin təşkili sahəsində səmərəli fəaliyyətlərinə görə Dadaşova Zahirə Cabir qızı, Qəmbərova Şəhla Əliheydər qızı, Musazadə Rəfiqə Mirzə qızı və Tahirova Nazilə Rəhman qızına "Əməkdar mədəniyyət işçisi" fəxri adı verilib.
Kitabxananın əməkdaşları Ağamirzəyeva Vəfa Əliağa qızı, Əhmədova Sevil Əliabas qızı, Qafarova Leyla Hacı Ağa qızı və Məmmədli Ruhiyyə Mikayıl qızı "Tərəqqi" medalı ilə təltif ediliblər.