Son illərdə Azərbaycan Dövlət Milli Dram Teatrının xarici ölkələrin qabaqcıl teatrları ilə qarşılıqlı əlaqələri yaranıb. Bu mənada Gürcüstan teatrı ilə əməkdaşlığı xüsusi vurğulamaq lazımdır. Teatrın yaradıcı heyəti aprelin 4-də Tbilisiyə qastrola gedib. Kollektiv Gürcüstan tamaşaçılarına Xalq yazıçısı Elçinin eyniadlı əsəri əsasında Mehriban Ələkbərzadənin quruluşunda hazırlanmış “Qatil” tamaşasını təqdim edəcək. Tamaşa aprelin 5-də K.Marcanişvili adına Gürcüstan Dövlət Akademik Dram Teatrının səhnəsində nümayiş etdiriləcək.