Prezident İlham Əliyev martın 28-də Azərbaycan Respublikasının Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyasının yeni tərkibinin təsdiq edilməsi haqqında fərman imzalayıb.
Azərbaycan Respublikasının Baş naziri Artur Rasizadənin sədrlik etdiyi komissiyanın tərkibinə Baş nazirin müavini Elçin Əfəndiyev, Azərbaycan Milli Elmlər Akademiyasının prezidenti Akif Əlizadə, mədəniyyət və turizm naziri Əbülfəs Qarayev, səhiyyə naziri Oqtay Şirəliyev, təhsil naziri Mikayıl Cabbarov, müvafiq dövlət qurumlarının, yaradıcılıq təşkilatlarının təmsilçiləri, elm və incəsənət xadimləri daxildir.