Bakı Uşaq Teatrı Arzu Soltanın qələmə aldığı və İntiqam Soltanın quruluş verdiyi “Həyatla oyun” tamaşası ilə qastrola çıxıb. Gənclər və İdman Nazirliyinin “Sağlam həyat tərzi” layihəsi çərçivəsində hazırlanan tamaşa ilə kollektiv 21-24 aprel tarixində Bərdə, Mingəçevir, Ağcabədi və Tərtər rayonlarında çıxış edib. Tamaşa bəşəri bəla olan narkomanlığın faciəli fəsadlarından bəhs edir. Hadisələr əsasən bir qrup tələbə arasında cərəyan edir.