Mədəniyyət və Turizm Nazirliyi, Azərbaycan Xalça Muzeyinin dəstəyi, Bakı Yunus Əmrə İnstitutunun təşkilatçılığı ilə 2-3 iyun tarixində Azərbaycan Xalça Muzeyində “Türk dünyasının ortaq dili - naxışlar” adlı simpozium və sərgi keçiriləcək.
Xalça nümunələri çoxminillik tarixi olan türk mədəniyyətinin ən əhəmiyyətli maddi elementlərinin ön sırasında yer alır. Sadəcə gündəlik həyatda istifadə olunan əşya deyil, eyni zamanda sənət əsəri olan bu əl işləri üzərindəki naxışlarla dünənin və bugünün çox geniş bir əraziyə yayılan türk xalqlarının vizual əlaqələrinin bir göstəricisidir. Bu xüsusiyyəti ilə naxışlar həmin xalqların estetik dilini təşkil edir və dünyadakı bütün türkmənşəli xalqların tək millət olduğunu göstərir.