“Azanfilm” studiyasının elan etdiyi “Mənim ideyam var” süjetlər müsabiqəsinin nəticələri açıqlanıb.
Studiyadan bildirilib ki, yazıçı Sevinc Nuruqızının kiçikyaşlı uşaqlar üçün qələmə aldığı “Qaz balası” adlı süjetlər silsiləsi öz orijinallığı və müsabiqənin konseptinə uyğunluğu ilə seçilib.
Qeyd edək ki, yanvarın 15-də start götürən müsabiqə animasiya sahəsinə gənc yaradıcı qüvvələrin cəlb olunması, kiçikyaşlı tamaşaçılarda vizual zövqün formalaşdırılması və milli dəyərlərin təbliği məqsədilə keçirilib.