Mədəniyyət və Turizm Nazirliyi tərəfindən dəstəklənən və “Savadlı Cəmiyyət” Müasir Təhsilə Dəstək İctimai Birliyinin may ayında icrasına başladığı “Mədəniyyət sahəsinə marağın yüksəldilməsi” layihəsi davam edir.
Layihənin məqsədi gənclər arasında mədəni maarifləndirilmənin səviyyəsinin yüksəldilməsi və mədəni fəaliyyətdə iştirakçılığın artırılması üçün könüllülük fəaliyyətinin həvəsləndirilməsidir. Layihə üzrə təlimlər “Könüllülük haqqında məlumat”, “Könüllülüyün cəmiyyətə töhfəsi”, “Könüllülüyün şəxsi karyeranın inkişafında rolu”, “Sosial-mədəni həyat tərzinin təbliği” və s. mövzuları əhatə edir.