Beynəlxalq Türk Akademiyasının (türkdilli ölkələrin təsisçiliyi ilə 2010-cu ildə yaradılıb, Qazaxıstanın paytaxtı Astanada yerləşir - red.) dəstəyi ilə monqol və qazax arxeoloqlarının Monqolustanın Şivəət Ulaan bölgəsində davam etdirdiyi qazıntılar zamanı qədim türklərə aid daş heykəllər aşkarlanıb.
Arxeoloji qazıntılar çərçivəsində avqustun 24-də “Böyük Bozkır Köçəriləri” mövzusunda seminar təşkil ediləcək. Seminarda Azərbaycan, Qazaxıstan, Qırğızıstan, Monqolustan, Türkiyə və Rusiyadan elm adamlarının iştirakı gözlənilir.