Eurasianet.org saytında Azərbaycanda yaşayan dağ yəhudilərindən, Quba rayonundakı Qırmızı qəsəbədən bəhs edən yazı dərc olunub.
Müəllif Lolita Breyman dağ yəhudilərinin tarixi haqqında məlumat verərək bildirir ki, adını evlərinin qırmızı damlarından götürən bu qəsəbə İsraildən kənarda əhalisi bütünlüklə yəhudilərdən ibarət olan yeganə yaşayış məskənidir. XIII əsrdən burada məskunlaşan yəhudilərlə qonşu kəndlərin müsəlman əhalisi arasında mehriban qonşuluq münasibətləri mövcuddur. Qeyd olunur ki, bu gün dağ yəhudiləri Azərbaycan dövləti tərəfindən qayğı ilə əhatə olunublar.