ABŞ-ın Konqres kitabxanası beynəlxalq kitab mübadiləsi çərçivəsində Azərbaycan Milli Elmlər Akademiyasının (AMEA) Mərkəzi Elmi Kitabxanasına (MEK) növbəti kitabı hədiyyə edib.
Kitabxanadan bildiriblər ki, Amerikanın Katolik Universitetinin dinşünaslıq üzrə professoru Antonoi Lopezin və İspaniyanın Eklesiastika San Damaso Universitetinin sistematik dinşünaslıq üzrə professoru Xavier Pradesin həmmüəllifləri olduqları kitabda liberal cəmiyyət çərçivəsində müxtəlif mədəniyyətlərin mövcud olduğu şəraitdə Qərb multikulturalizminin fəlsəfi, hüquqi və dini kökləri tədqiq edilir.
Hazırda ölkəmizdə multikulturalizmin geniş təbliğ olunduğu nəzərə alınarsa, bu kitab oxucular üçün faydalı olacaq.