Azərbaycan Respublikasının Prezidenti yanında Bilik Fondu Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi ilə birgə Bakı SOS Uşaq Kəndləri Assiosasiyasının 1 saylı Gənclər evində tədbir keçirib.
Mərkəzin həkim metodisti Nərgiz Kərimova Gənclər evinin yeniyetmə qızları ilə “Sağlam həyat tərzi” mövzusunda söhbət aparıb. Siqaret və spirtli içkilərə aludəçilik, sağlamlıq üçün digər zərərli meyllərin yeniyetmə qızların gələcəyi üçün yarada biləcəyi fəsadlar barədə onlara məlumat verilib, sualları cavablandırılıb.
Tədbirdə Bilik Fondunun aparıcı məsləhətçisi Ramilə Qurbanlı, məsləhətçisi Şəlalə İsmayılova iştirak ediblər.