Oktyabrın 31-dən noyabrın 5-dək II Azərbaycan elm festivalı keçiriləcək.
Azərbaycan Milli Elmlər Akademiyasının (AMEA) təşəbbüsü, UNESCO-nun himayəsi, Prezident yanında Elmin İnkişafı Fondu, Bilik Fondu və digər qurumların dəstəyi ilə baş tutacaq festival çərçivəsində Bakı, Naxçıvan, Sumqayıt, Şəki və Gəncə şəhərlərində bir sıra tədbirlər keçiriləcək. Akademiyanın elmi bölmə və regional elmi mərkəzlərinə ekskursiyalar təşkil ediləcək. Gənc alimlərin elmin müxtəlif sahələri üzrə çıxışları, həmçinin yaradıcılıq emalatxanaları və interaktiv sərgilərlə tanışlıq, müsabiqələr, yeni elmi nailiyyətləri özündə əks etdirən məruzələr, elmi-populyar filmlərin nümayişi nəzərdə tutulur.