AMEA-nın Milli Azərbaycan Tarixi Muzeyində təşkil olunmuş “I Şah İsmayıl - sərkərdə və hökmdar” sərgisi böyük marağa səbəb olub. Sərginin açılışı aprelin 15-də keçirilib. Muzeydən bildiriblər ki, ötən müddətdə ekspozisiyanı 10 mindən çox insan ziyarət edib.
Sərgidə 130-a yaxın eksponat tamaşaçıların diqqətinə təqdim olunur. Burada Səfəvilər dövlətinin ilk dövrlərinə aid unikal eksponatlar toplanıb. Muzeyin bərpa laboratoriyasında XVI-XVII əsrlərə aid eksponatlar konservasiya olunub, zədələnmiş eksponatlar bərpa edilib. Onların əksəriyyəti ilk dəfədir nümayiş olunur. Sərgi dekabrın 15-dək davam edəcək.