“Salnamə” studiyası bəstəkar Aqşin Əlizadəni də unutmayıb. Studiyanın ona həsr etdiyi “Aqşin Əlizadə” filminin rejissoru Tahir Əliyev, operatoru isə Elşən Əliyevdir. Rejissorun sözlərinə görə, həmin sənədli film bəstəkarın həyatı haqqındadır: “Aqşin Əlizadə Azərbaycan bəstəkarıdır, sözsüz ki, hamı onun yaradıcılığı haqqında az- çox məlumata malikdir. Ona görə də biz bu dəfə tamaşaçılara bəstəkarın yaradıcılığından yox, onun həyatından maraqlı fraqmentləri təqdim etməyi düşünürük”.