“Abşeron” rəsm qalereyasında məktəblilərin “Mənim İçərişəhərim” mövzusunda sərgisi açılıb. “İçərişəhər” Tarix-Memarlıq Qoruğu İdarəsinin elmi-mədəni mərkəzinin təşkilatçılığı ilə keçirilən “Mənim İçərişəhərim” uşaq rəsm sərgisi bu qurumun artıq üçüncü ənənəvi tədbiridir. Sərgidə Bakının müxtəlif rayonlarından 60 balaca rəssamın hər birinin bir işi nümayiş etdirilir. Onlar İçərişəhərin köhnə simasını, ənənələrini, milli şüurumuzda tutduğu yeri, həmçinin paytaxtımızın bu qədim guşəsində baş verən dəyişiklikləri fırçanın köməyi ilə məharətlə təsvir ediblər.