Naxçıvan Muxtar Respublikası Rəssamlar Birliyinin Bəhruz Kəngərli adına sərgi salonunda muxtar respublikada fəaliyyət göstərən rəssamların rəsm əsərlərinin və əl işlərinin satış-sərgisi açılıb. Sərgidə 25 müəllifin 61 əsəri nümayiş etdirilir. Sərgidə rəssamların portret, peyzaj, kompozisiya və natürmort janrında çəkdikləri əsərlər çoxluq təşkil edir. Rəssamların həm yağlı və sulu boya, həm də qrafika ilə yaratdıqları rəsm əsərləri diqqəti cəlb edir. Sərgidə müxtəlif əl işləri də nümayiş olunur.