- 02-05-2014
- 354
Türkiyədə yaşayan azərbaycanlı rəssam Emil Əzizin Bakıda ilk fərdi sərgisi keçiriləcək. Sərgi mayın 3-dən 7-dək “Qalereya-1969” salonunda gerçəkləşəcək. "Səmanın rəngləri" adlı fərdi sərgidə əsasən rəssamın müasir cizgilərlə milliliyin vəhdətini təşkil edən əsərləri sərgilənəcək. Rəssamın əsərləri bir çox dünyaca məşhur sənət qalereyalarında nümayiş olunub. Rəsmlərində milli koloriti qoruması ilə yanaşı, modern qadın obrazını canlandıran rəssamın ölkəmizdəki ilk sərgisinin media partnyoru “Boutique Baku” dərgisidir. Sərgi “Arts Council Azerbaijan”ın dəstəyi ilə keçiriləcək.
