Aprelin 28-də Bakı Modern Məktəbində direktor Gülarə Əfəndiyevanın dəstəyi ilə 7 a sinfinin şagirdi Şəhriyar Əliyevin görkəmli elm xadimi Zərifə xanım Əliyevanın xatirəsinə həsr olunmuş “Ədəbiyyat boyaların dili ilə” fərdi sərgisi təşkil olunub. Tədbirdə məktəbin şagirdləri və valideynlər iştirak ediblər.
Sərginin təşkilində əsas məqsəd şagirdlərin oxuduqları əsərlərə daha yaradıcı yanaşmaları və onları mütaliəyə cəlb etmək idi. Tədbirdə çıxış edən direktorun təlim-tərbiyə işləri üzrə birinci müavini Mina Əliyeva şagirdləri bu cür yaradıcı işlərdə daha fəal olmağa çağırıb. Sərginin ərsəyə gəlməsində müəllimələr Aidə Abdurrahmanova və Firuzə Abdullayevanın böyük əməyi olub.