Mayın 25-də Azərbaycan Dövlət Rəssamlıq Akademiyasının (ADRA) muzey-sərgi kompleksində “Saf rənglər” III beynəlxalq uşaq və yeniyetmələrin rəsm yaradıcılığı festivalı açılacaq. Festivalda 20-dək rəssamlıq studiyası, incəsənət məktəbləri ilə yanaşı, Fransa, Kuba, Koreya Respublikası, Çin, Belarus, Misir, Mərakeş, Türkiyə, Pakistan, Hindistan və bir çox ölkələrdən uşaqların əl işləri nümayiş olunacaq. Rəsmləri seçilən uşaq və yeniyetmələr dəyərli hədiyyələrlə mükafatlandırılacaqlar. Sərgidə 700-dək əl işi nümayiş etdiriləcək.