Oktyabrın 15-də Azərbaycan Rəssamlar İttifaqının Vəcihə Səmədova adına sərgi salonunda tanınmış rəssam Valentina Əfəndiyevanın əsərlərindən ibarət “Açıq rəngkarlıq” adlı sərgi açılacaq.
Rəssam bildirib ki, sərgidə nümayiş olunacaq 100-dək rəsm 5 illik zəhmətin bəhrəsidir. Bu əsərlərdə təbiət, mənzərə, güllər, dəniz, ilin fəsilləri, müxtəlif fəlsəfi yanaşma və emosional hislərin rənglərlə ifadəsi öz əksini tapıb. Həmçinin rəngkarlıq, yağlı boya, akvarel, qrafika və tətbiqi sənətə aid olan müxtəlif mövzulu portretlər nümayiş olunacaq.