Azərbaycan Mədəniyyət və Turizm Nazirliyinin “Salnamə” kinostudiyası Rusiyanın “Weit Media” şirkəti ilə birgə tammetrajlı bədii film istehsalına başlayıb. Studiyadan verilən məlumata görə, “Qırmızı bağ” adlı filmin hazırlıq prosesinə start verilib və natura seçimi aparılır. Filmin ssenari müəllifi və quruluşçu rejissoru Mirbala Səlimli, quruluşçu operator Maksim Drozdov, quruluşçu rəssam Vladimir Trapeznikovdur.
   İki hissəyə bölünən çəkiliş prosesi 2011-ci ilin yaz-payız aylarında Şəkidə aparılacaq. Filmin 2012-ci ildə hazır olması planlaşdırılır. Filmdə hadisələr Azərbaycanın əyalət şəhərlərindən birində baş verir.