“Salnamə” kinostudiyası Türkiyənin “Vizion” şirkəti ilə birgə yeni sənədli filmin istehsalına başlayıb. Şərti adı “Cəbhədən məktublar” olan sənədli film Böyük Vətən müharibəsi illərində (1941-1945) 223-cü Azərbaycan Milli diviziyasının keçdiyi döyüş yoluna həsr olunub.
   Filmin ssenari müəllifi Toğrul Vəli, rejissoru Tahir Əliyev, operatoru Elxan Rüstəmovdur. Filmdə orijinal sənədlərdən, foto və kino materiallarından istifadə olunacaq. Çəkilişlər isə Azərbaycan rayonlarında, Moskva və Serbiyada aparılacaq. Filmin 9 may - Qələbə Günü ərəfəsində təqdim olunması planlaşdırılır.