Türk jurnalist Cem Oğuzun filmi təqdim olunacaq
   
   Fevralın 21-də Gənc Tamaşaçılar Teatrında türk jurnalist Cem Oğuzun “Qaçqın: Anar Usubovun həyat hekayəsi” filminin təqdimatı keçiriləcək. Analoji təqdimat mərasimləri fevralın 24-də Vaşinqtonda, 25-də isə Los-Ancelesdə baş tutacaq. Filmdə Xocalı soyqırımı baş verən zaman 8 yaşında olan qaçqın uşaq öz həyatını nəql edir. Film Qərb sənədli filmləri ruhunda çəkilib və artıq müxtəlif sənədli filmlər festivallarında mükafatlara namizəd göstərilib.
   Azərbaycan və ingilis dillərində səsləndirilən filmin ABŞ-da təqdimatı Vaşinqtonun “Avalon” tarixi teatrında baş tutacaq.