Mayın son ongünlüyündə rejissor Ülviyyə Könülün quruluş verdiyi “Vəkil haradadır?” filminin premyerası keçiriləcək. Mədəniyyət və Turizm Nazirliyinin Kinematoqrafiya şöbəsindən verilən məlumata görə, plyonkada çəkilən bu filmin təqdimatı “Azərbaycan” kinoteatrında baş tutacaq. Kompyuter qrafikası ilə çəkilən “Onun ürəyi“ filmi isə iyunun 1-də - “Beynəlxalq uşaqları müdafiə günü”ndə Teatr Xadimləri İttifaqının zalında təqdim olunacaq. 25 dəqiqəlik filmin ssenari müəllifi və rejissoru Samir Kərimoğlu, bəstəkarı Vüqar Camalzadə, operatoru Nadir Mehdiyev, qrafisti Tural Səfərovdur. Filmdə baş rolları Murad Abdullayev (Qədran), Aysel İbrahimova (Pəri) ifa edirlər.