Rejissor Fariz Əhmədovun “Miras” sənədli filmi Almaniyanın Detmold şəhərində keçirilən 7-ci Beynəlxalq Detmold kinofestivalının müsabiqə bölməsində Azərbaycanı təmsil edir. Rejissorun bildirdiyinə görə, iyunun 9-dan 13-dək davam edəcək festival çərçivəsində 20-dən artıq ölkənin 52 filmi mükafatlar uğrunda mübarizə aparacaq.
   2010-cu ildə “Bir addım” studiyasında istehsal olunan “Miras” sənədli filminin ssenari müəllifi Esmira Eyyub, quruluşçu operatoru Fərid Bağırov, montajçısı Firudin İsmayılov, səs rejissoru Elşən Aslanzadə, prodüserləri Rəşad Qasımov və Zakir Musayevdir. Qeyd edək ki, “Miras” sənədli filmi bir çox beynəlxalq festivallarda mükafatlara layiq görülüb.