Avqustun 2-də Çernoqoriyanın Hersoq-Novi şəhərində 25-ci Beynəlxalq Hersoq-Novi-Monteneqro film festivalı başlanıb. Ayın 6-dək davam edəcək festivalda 32 ölkədən 34 film iştirak edir. Kinofestivalın müsabiqə bölməsində Azərbaycanı rejissor Fariz Əhmədovun “Miras” sənədli filmi təmsil edir.
   Beynəlxalq sənət yarışmasında Azərbaycanla yanaşı, ABŞ, Kanada, İtaliya, İspaniya, Çexiya, Polşa və digər ölkələrin kino məhsulları da nümayiş olunacaq.
   Xatırladaq ki, 2010-cu ildə “Bir addım” studiyasında istehsal olunan “Miras” sənədli filmi bir sıra beynəlxalq müsabiqələrdə uğur qazanıb.
   Filmin ssenari müəllifi Esmira Əyyub, quruluşçu operatoru Fərid Bağırovdur.