Azərbaycan Diplomatik Akademiyasının (ADA) Kitab Mərkəzi “Azərbaycan-Latın Amerikası Gəncləri” İctimai Birliyi ilə birlikdə “İspan dilində film gecəsi - mədəniyyətlərarası dialoq” layihəsinə start verib. Layihə ispan dilində filmin nümayişindən ibarətdir. Layihənin məqsədi gənclərin dil bacarıqlarını və mədəniyyətlərarası dialoqu xarici dil əsasında praktiki şəkildə inkişaf etdirməkdir.
   Tədbir iştirakçılarına 2010-cu ildə “Ən yaxşı xarici film” nominasiyasında “Oskar” mükafatı qazanmış “Gözlərindəki sirr” Argentina filmi təqdim edilib. Rejissor Xuan Xose Kampanellanın filmində baş rollarda Rikardo Darin, Soledad Villamil və Pablo Rago çəkiliblər. İspan dilində nümayiş olunan filmin bütün mətni ingilis dilində subtitrlərlə verilib.