Azərbaycanın sevilən ekran əsərlərindən olan “Uşaqlığın son gecəsi” filmi bərpa olunub. Filmin bərpası Azərbaycan Dövlət Film Fondu ilə Rusiya Dövlət Film Fondunun birgə təşəbbüsü ilə həyata keçirilib. Dövlət Film Fondundan bildiriblər ki, görkəmli rejissor, Əməkdar incəsənət xadimi Arif Babayevin 1968-ci ildə lentə aldığı “Uşaqlığın son gecəsi” filminin bərpası Mədəniyyət və Turizm Nazirliyinin dəstəyi ilə reallaşıb.
   Hazırda Azərbaycan Dövlət Film Fondu Rusiya Dövlət Film Fondu ilə birlikdə Vaqif Mustafayevin “Yaramaz” filminin bərpasına başlayıb.