Rejissor Ziya Şıxlinski 1918-ci ilin qanlı hadisələrindən söz açan yeni sənədli film üzərində işləyir. İlkin olaraq “Yaddaş“ adlandırılan ekran əsərində Azərbaycan Xalq Cümhuriyyəti üzləşdiyi böyük çətinliklər, erməni quldur dəstələrinin Bakı, Şamaxı, Quba və digər bölgələrdə həyata keçirdikləri qırğınlar, Nuru paşanın başçılığı ilə Azərbaycana göndərdiyi ordunun köməyi ilə 1918-ci ilin sentyabrında Bakının bolşeviklər və daşnak-quldur dəstələrindən azad edilməsi və s. tarixi hadisələr əks olunacaq. Filmin ssenari müəllifi Ziya Şıxlinski, operatoru Yuri Varnavski, prodüseri Yekaterinburqda yaşayan həmvətənimiz Şahin Şıxlinskidir.