Noyabrın 18-də Beynəlxalq Muğam Mərkəzində Xalq artisti, rejissor Yalçın Əfəndiyevin “Yaddaş” sənədli filmlər studiyasında dövlət sifarişi ilə çəkdiyi “Mustafa Topçubaşov. Əsrin fonunda portret” sənədli filminin təqdimatı keçiriləcək. Film Azərbaycanda tibb təhsili və səhiyyənin təşkilatçısı, respublikada cərrahlıq elmi məktəbinin banilərindən biri akademik Mustafa Topçubaşovun həyat və fəaliyyətindən bəhs edir. Ekran əsərinin ssenari müəllifləri Nadejda İsmayılova, Yalçın Əfəndiyev, rejissor Yalçın Əfəndiyev, operator Adil Abbasdır.