“Nizami” kinoteatrına Kino Mərkəzi statusu verilib. Bu barədə məlumat verən Mədəniyyət və Turizm Nazirliyinin Kinematoqrafiya şöbəsinin müdiri Cahangir Məmmədov bildirib ki, dekabrın 27-də açılış mərasimi keçiriləcək bu məkan qonaqları “Nizami” Kino Mərkəzi kimi qarşılayacaq. Kino mərkəzin açılışında yeni çəkilən, xarici istehsal olan “Muşketyorlar 3D” filmi nümayiş olunacaq. Macəra-ekşn janrında olan bu film Aleksandr Dümanın klassik romanının motivləri əsasında çəkilib.