Hindistanın Mumbay şəhərində X Beynəlxalq “Trihd eye” (“Üçüncü göz”) Asiya film festivalı açılıb. Mötəbər sənət yarışmasında ölkəmizi “Nərimanfilm” kinostudiyasının istehsalı olan “Sahə” bədii filmi təmsil edir. Ekran əsəri festivalın tammetrajlı bədii filmlər üzrə müsabiqə proqramında nümayiş olunacaq.
   Asiya Kino Fondu tərəfindən təşkil olunan festival müxtəlif ölkələrin gənc rejissorlarına öz filmlərini nümayiş etdirmək imkanı yaradır. Böyük Britaniya, Fransa, İtaliya, Rusiya, Moldova, Ukrayna, Gürcüstan, Bolqarıstan, Türkiyə, Yunanıstan və Rumıniya kimi ölkələri əhatə edən festival dekabrın 29-da yekunlaşacaq.