Oktyabrın 18-19-da Belarus Milli Kitabxanasında “Kitabxana mədəniyyətin fenomeni kimi” mövzusunda V beynəlxalq forum keçiriləcək.

Tədbirdə Azərbaycan, Belarus, Polşa, Ukrayna və ABŞ-dan kitabxana üzrə mütəxəssislərin iştirak edəcəyi bildirilir. Müzakirələr zamanı kitabxana binalarının dizaynı, qurulması və istismarı, onların arxitekturası, təhlükəsizlik və hesablama texnologiyaları, informasiya axtarış sistemləri təqdim ediləcək, elektron kitabxanaların və digər onlayn resursların işi təhlil olunacaq.