“Azərbaycanfilm” kinostudiyası və “Buta film” kinoşirkətinin birgə istehsalı olan “Nar bağı” bədii filmi Tacikistanda keçirilən Didor Beynəlxalq film festivalının Qran-pri mükafatına layiq görülüb.

Mədəniyyət Nazirliyinin sifarişi ilə çəkilən filmin quruluşçu rejissoru İlqar Nəcəf, ssenari müəllifləri Asif Rüstəmov, İlqar Nəcəf, Roelof Jan Minneboo, quruluşçu operatoru Ayhan Salar, quruluşçu rəssamı Rafiq Nəsirov, bəstəkarı Firudin Allahverdi, icraçı prodüseri Akif Əliyev, prodüserləri Müşfiq Hətəmov və İlqar Nəcəfdir.

Rolları Qurban İsmayılov, İlahə Həsənova, Səmimi Fərhad, Həsən Ağayev, Rövşən Kərimduxt və digərləri canlandırıblar.