Dekabrın 18-də Beynəlxalq Muğam Mərkəzində görkəmli Azərbaycan dirijoru və bəstəkarı, SSRİ Xalq artisti, SSRİ Dövlət Mükafatı laureatı Niyazi Tağızadə-Hacıbəyova həsr olunmuş "Rast. Niyazi" sənədli filminin təqdimatı olacaq. Dövlət sifarişi ilə "Debüt" studiyasında çəkilmiş filmin rejissoru Nonna Müzəffərova, ssenari müəllifi İntiqam Qasımzadə, operatoru Yuri Varnovski, icraçı prodüseri Əlibala Rəhimov, bədii rəhbəri Eldar Quliyevdir.
Filmin çəkilişləri Azərbaycanda, Türkiyə və Rusiyada aparılıb. Çəkilişdə Azərbaycan Musiqi Mədəniyyəti Dövlət Muzeyinin filialı olan Niyazinin mənzil-muzeyinin fond materiallarından geniş istifadə olunub.