Yanvarın 14-də Azərbaycan Musiqi Mədəniyyəti Dövlət Muzeyinin filialı olan Niyazinin mənzil-muzeyində “Rast. Niyazi” sənədli filminin yaradıcı heyəti ilə görüş keçiriləcək. Muzeydən bildirilib ki, filmin yaradıcı heyəti çəkiliş prosesindən və yaradıcılıq planlarından söhbət açacaq. Tədbirdə filmin çəkilişi zamanı Türkiyə və Rusiyadan əldə olunan materiallar əsasında slayd-şou nümayiş olunacaq. Daha sonra Niyazinin əsərlərindən ibarət musiqi parçaları ifa ediləcək. Sonda “Rast. Niyazi” sənədli filmi göstəriləcək.