Milli Qəhrəmanlar haqqında film

Azərbaycanın Milli Qəhrəmanları Mərifət Nəsibov, Rafiq Alıcanov və Şamoy Çobanov haqqında “Ölümə qənşər” bədii-sənədli filmi ekranlaşdırılıb.
Film “Vətəndaşların Sosial Rifahının Gücləndirilməsinə Dəstək” İctimai Birliyi (İB) tərəfindən Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə yardımı ilə çəkilib.
İB-nin sədri Venera Əsgərova bildirib ki, bədii-sənədli filmdə qəhrəmanların ailə üzvlərinin və döyüş yoldaşlarının xatirələri, təəssüratları lentə alınıb. Film Azərbaycan torpaqları uğrunda həlak olmuş şəhidlərin xatirəsinə ithaf olunur.