Rumıniyanın “News24hours.ro” xəbər portalı Qobustan Milli Tarix-Bədii Qoruğu barədə məqalə yayıb.

Məqalədə bildirilir ki, Qobustan Milli Tarix-Bədii Qoruğu açıq səma altında qoruq-muzey kimi böyük şöhrət qazanıb. Ərazidə Daş dövründən Orta əsrlərə qədər həyat və məişəti əks etdirən çoxsaylı maddi mədəniyyət nümunələrini müasir azərbaycanlıların ulu əcdadları min illər ərzində yaradıblar.

Qeyd olunub ki, Qobustan qaya rəsmləri dünyada bu tipli abidələrdən ən zənginidir. Qoruq ərazisində alimlər tərəfindən 6 mindən çox qayaüstü təsvir, 20 mağara və yaşayış yeri, 40 kurqan aşkar edilib və öyrənilib.

Məqalədə qoruğun yaradılması və tarixi barədə ətraflı məlumat verilib.