Azərbaycan Respublikasının Birinci vitse-prezidenti Mehriban Əliyeva 18 sentyabr – Milli Musiqi Günü ilə əlaqədar “İnstagram” səhifəsində paylaşım edib.

Birinci vitse-prezidentin paylaşımında deyilir: “Bu gün Milli Musiqi Günüdür. 1885-ci il sentyabrın 18-də Azərbaycan bəstəkarlıq məktəbinin banisi, dahi bəstəkar Üzeyir Hacıbəyli anadan olmuşdur. Onunla eyni ildə və eyni gündə Azərbaycan musiqi mədəniyyətinin görkəmli nümayəndəsi, böyük bəstəkar Müslüm Maqomayev dünyaya gəlmişdir. Hər iki dahi şəxsiyyətimizin xatirəsini dərin ehtiramla yad edirik”.