Mədəniyyət Nazirliyinin sifarişi və dəstəyi ilə nəşriyyat və çap məhsullarının istehsalı, buraxılışı və satınalınmasına dair fəaliyyətin təkmilləşdirilməsi məqsədilə islahatlar davam etdirilir.

2021-ci ildən nazirliyin nəşr planının tərtibini və “Nəşrlərin satınalınması müsabiqəsi”nin təşkilini müstəqil şəkildə fəaliyyət göstərəcək “Nəşr planının tərtibi və nəşriyyat məhsullarının satınalınması üzrə Komissiya” həyata keçirəcək. Komissiya mədəniyyət, elm, ədəbiyyat, təhsil və digər aidiyyəti sahələr üzrə mütəxəssislərdən ibarət tərkibdə təşkil olunub. 

Komissiyanın yaradılmasında məqsəd nazirliyin nəşr planının tərtibində və “Nəşrlərin satınalınması müsabiqəsi”nin təşkilində şəffaflığı, səmərəliliyi və obyektivliyi təmin etməkdir.

Hər ilin yanvar ayında komissiyanın yeni tərkibi təsdiq olunacaq  və həmin il üzrə nazirliyin nəşr planının tərtibi və “Nəşrlərin satınalınması müsabiqəsi”nin təşkili başa çatdıqdan sonra komissiyanın tərkibi buraxılacaq.

Şəffaflığın və obyektivliyin təmin olunması məqsədilə nəşr planın tərtibi və “Nəşrlərin satınalınması müsabiqəsi” başa çatana qədər komissiyanın tərkibi konfidensial saxlanılacaq.

Hər ilin sonunda komissiyanın fəaliyyət göstərmiş tərkibi və komissiyanın qərarı ilə nəşr planına daxil edilən əsərlərin adları, kitabxana fondlarının təchizatı məqsədilə “Nəşrlərin satınalınması müsabiqəsi” çərçivəsində alınacaq nəşrlərin siyahısı ictimaiyyətə təqdim ediləcək.

2021-ci ilin may ayında “Nəşrlərin satınalınması müsabiqəsi” elan olunacaq. Builki müsabiqəyə son 2 ildə çap olunan nəşrlər təqdim edilə bilər.

Nəşr planının tərtibi və komissiyanın fəaliyyəti ilə bağlı müəyyən edilmiş meyarlarla aşağıdakı linklərə daxil olaraq tanış olmaq mümkündür:

Komissiyaya dair meyarlar:

http://mct.gov.az/medias/media/other/689/komissiyaya-dair-meyarlar.pdf

Nəşrlərə dair meyarlar:

http://mct.gov.az/medias/media/other/688/neshrlere-dair-meyarlar.pdf