![](/img/news/700x420/7150.jpg)
Festivala qatılmış qonaqlar, qəsəbə sakinləri tələbələrin hazırladığı milli mətbəx nümunələrinin dadına baxıblar. Tokionun Vaseda Universitetinin magistri Emil Cəfərzadə bildirib ki, onlar qonaqlara badımcan dolması, tərəvəz salatı və toyuq ləvəngisi təqdim ediblər. Yeməkləri Tokionun Aoyama Qakuin Universitetinin magistri Kəmalə Novruzəliyeva hazırlayıb.
Həm qonaqlar, həm də festival iştirakçıları, o cümlədən Türkiyə, Özbəkistan, İran, Çin, Rusiya, Pakistan və digər komandaların üzvləri Azərbaycan mətbəxinin nümunələrini böyük maraqla qarşılayıblar. Festival iştirakçıları yapon mədəniyyətinin nümunələri - çay dəstgahı, kalliqrafiya, oriqami ilə tanış olub, qədim musiqi aləti kotoda bacarıqlarını yoxlayıblar.
Fəxriyyə Abdullayeva