Azərbaycan Turizm İnstitutu Məzunlar Assosiasiyası (ATİMA) brend hotellərin baş menecerləri ilə gerçəkləşən görüşlərdən sonra məzun və tələbələrin istəyi ilə geniş spektrli seminar və treninqlər keçirməyi qərara alıb. İlk treninqlər ötən həftə keçirilib.
   Azərbaycan Diplomatik Akademiyasının insan resursları meneceri Lutful Kabirin apardığı ikigünlük "Layihə menecmenti" treninqində 100-dək tələbə və məzun iştirak edib. Treninq iştirakçılarına layihələrin rentabelliyi və davamlılığı, başlıca parametrik xüsusiyyətləri, büdcə hesablanması qaydaları və fəaliyyət planlarının tərtib olunması, beynəlxalq donor təşkilatlar və onlarla iş prinsipləri geniş tədris olunub.