Azərbaycan Hotellər və Restoranlar Assosiasiyası (DAİR) «Eurovision» mahnı müsabiqəsi ərəfəsində hotel və restoran biznesi sahəsində çalışanlar üçün müxtəlif istiqamətlər üzrə təlim-tədris kursları təşkil edir. Qurumdan verilən məlumatda bildirilir ki, masa xidməti, restoranların idarə edilməsi, İsveç masası, qida təhlükəsizliyi, sanitariya-gigiyena qaydaları, ilk yardım, xidmət sahəsinin terminologiyası ixtisasları üzrə kurslar yüksək səviyyəli peşəkarlar tərəfindən tədris ediləcək. Kursları bitirənlərə sertifikatlar veriləcək. Bundan əlavə, treninqlərdə xüsusi fərqlənən dinləyicilər işlə təmin ediləcək.

  Fəxriyyə Abdullayeva